தமிழ் சினிமாவின் முன்னணி நடிகையாக வலம் வருபவர் நடிகை நயன்தாரா. லேடி சூப்பர் ஸ்டார் என்றும் அழைக்கப்படுகிறார். தமிழ் மட்டுமின்றி மலையாளம், தெலுங்கு, இந்தி மொழிகளில் நடித்து கலக்கி வருகிறார். நயன்தாரா திரைத் துறையில் 20 வருடங்களுக்கு மேலாக உள்ளார். ரசிகர்களின் பெரும் வரவேற்பை பெற்றுள்ளார்.
இந்நிலையில், நயன்தாராவும் இயக்குநர் விக்னேஷ் சிவனும் காதலித்து வந்த நிலையில், கடந்த 2022ம் ஆண்டு இருவரும் திருமணம் செய்து கொண்டனர். இவர்களுக்கு இப்போது உயிர், உலகம் என 2 குழந்தைகள் உள்ளனர்.
இவர்களின் திருமண வீடியோ, நயன்தாதாரவின் சொந்த வாழ்க்கை கதை, திரைப் பயணம் என அனைத்தும் நயன்தாரா: பியோண்ட் தி ஃபேரி டேல் என்ற பெயரில் ஆவணப் படமாக நவ.18-ம் தேதி நெட்ஃபிலிக்ஸ் ஓ.டி.டி தளத்தில் வெளியாகும் என அறிவிக்கப்பட்டது.
இதைத் தொடர்ந்து இன்று இந்த ஆவணப் படத்தின் ட்ரைலர் வெளியாகி உள்ளது. என் மனம், இதயம் தேடிய நபர் விக்னேஷ் சிவன் என நயன்தாரா அதில் கூறியுள்ளார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
